Kynferðisofbeldi birtist í mismunandi formi. Það getur til dæmis verið gagnvart börnum, kynferðisleg áreitni, stafrænt ofbeldi, vændi eða nauðgun. Þegar kynmök eru höfð við manneskju án samþykkis er það nauðgun. Nauðgun er eitt af alvarlegustu brotum sem hægt er að fremja, aðeins manndráp er litið alvarlegri augum samkvæmt lögunum. Afleiðingar nauðgunar geta varað um aldur og ævi.

Ekkert réttlætir nauðgun, nauðgarinn einn er ábyrgur gerða sinna. Ef þér er nauðgað er það aldrei þér að kenna.

Ef þér hefur verið nauðgað, þú upplifað einhvers konar þvingun eða að farið hafi verið yfir mörk í kynlífstengdum athöfnum sem þér líður ekki vel með er það þess virði að skoða betur. Þú getur alltaf haft samband við Bjarkarhlíð og fengið ráð. Það skiptir engu máli hversu langt er síðan atvikið gerðist.

Ef það hefur verið brotið á þér kynferðislega gætirðu viljað draga gerandann til ábyrgðar. Hér eru upplýsingar um ferlið, frá því að brotið er tilkynnt til lögreglu og þar til það fer fyrir dóm.

Leiðarvísir um réttarvörslukerfið fyrir þolendur kynferðisofbeldis

Að gefa samþykki af frjálsum vilja er nauðsynlegt í kynlífi og kynferðislegum athöfnum. Annað er kynferðislegt ofbeldi.

Um nauðganir, afleiðingar og málsmeðferð

Áfallaviðbrögð við kynferðisofbeldi

Á fyrstu mánuðum sambandsins fannst Láru aðdáunarvert og sexý hversu auðvelt var að tala við Þránd um kynlíf. En með tímanum ...

Á fyrstu mánuðum sambandsins fannst Láru aðdáunarvert og sexý hversu auðvelt var að tala við Þránd um kynlíf. En með tímanum virtist þörf hans fyrir að ræða og stunda kynlíf bara aukast og henni fór að finnast það óþægilegt. Sérstaklega þegar hann sagði henni frá nauðgunarfantasíu sem hann var með.

Eina nóttina vaknar Lára upp við að Þrándur er að stunda mök með henni. Hún veit ekki hvað hún á að gera svo hún gerir ekki neitt. Eftir á þakkar Þrándur henni, snýr sér á hina hliðina og sofnar. 

Gott aðgengi fyrir hjólastóla. Ráðgjafi sem þekkir vel réttindi fatlaðs fólks.

Stígamót hjálpa fólki sem hafa orðið fyrir kynferðisofbeldi. Ekki skiptir máli hversu langt er síðan.

Stígamót bjóða upp á viðtöl og sjálfshjálparhópa fyrir fólk sem hefur verið beitt kynferðisofbeldi. Það skiptir ekki máli þótt ofbeldið hafi átt sér stað fyrir löngu síðan, það er alltaf hægt að koma til Stígamóta og það kostar ekkert. Einnig er í boði ráðgjöf fyrir aðstandendur.

Stígamót bjóða öll velkomin óháð kyni, kyntjáningu, kynhneigð, fötlun, uppruna,  efnahagsstöðu og dvalarleyfi svo eitthvað sé nefnt. Í húsinu er lyfta þannig að hægt er að komast í hjólastól. Þú getur fengið táknmálstúlkun ef þú þarft. Þú getur talað við ráðgjafa á íslensku, ensku eða á Norðurlandatungumáli. Fyrir önnur tungumál geturðu  fengið túlk. Þú getur valið um karlkyns eða kvenkyns ráðgjafa.

Stígamót taka ekki á móti börnum og unglingum undir 18 ára þar sem barnavernd sveitarfélaganna sér um þá aðstoð. Ef þig grunar eða veist um kynferðislegt ofbeldi gegn barni eða unglingi ættirðu að tilkynna það til 112. Öllum er þó velkomið að hafa samband við Stígamót til að fá nánari upplýsingar og leiðbeiningar.

Stígamót eru til húsa í Höfðabakka 9. Þú getur pantað tíma hjá ráðgjafa í síma 562 6868 eða á vefsíðunni þeirra. Þar er opið alla virka daga frá 9 til 16 nema á fimmtudögum frá 11 til 16. Oftast er best að ná inn snemma á morgnana eða í hádeginu. Það er líka hægt að senda þeim tölvupóst á stigamot@stigamot.is.

Íslenska, English, dansk, norsk, svenska. Tungumála- og táknmálstúlkun.

Stígamót, móttaka fyrir kynferðisofbeldi, kynferðisofbeldi, kynferðisleg áreitni, kynbundið ofbeldi, líkamlegt ofbeldi, árás, nauðgun, byrlun, minnisleysi, minnislaus, viðtal, sérfræðingur, hjálp, aðstoð, sjálfshjálparhópur, hjálp, 

Stígamót hjálpa öllum (konum, körlum og kynsegin fólki) sem hafa orðið fyrir kynferðislegu ofbeldi.

Bjarkarhlíð hjálpar öllu fólki sem hefur orðið fyrir ofbeldi. Þar er tekið vel á móti þér

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarkarhlíð. Einnig ef þú telur þig vera hugsanlegan þolanda mansals eða ef þig grunar að þú vitir um einstakling í slíkum aðstæðum. Bjarkarhlíð býður þér alla aðstoð á einum stað óháð kyni, uppruna eða félagslegri stöðu. Til dæmis er þar hægt að ræða við lögreglu, lögfræðinga og önnur samtök sem geta hjálpað. Öll eru velkomin og það kostar ekkert að koma. Öll aðstoð er á þínum forsendum.

Þangað er hægt að komast í hjólastól. Þú getur fengið táknmálstúlkun og tungumálatúlkun ef þú þarft.

Bjarkarhlíð er á Bústaðarvegi í Reykjavík. Þar er opið á virkum dögum frá 8:30 til 16:30. Best er að bóka tíma gegnum vefsíðuna þeirra eða með því að hringja í síma 553 3000. Þú getur líka sent þeim tölvupóst.

Miðstöð fyrir þolendur ofbeldis og mansals

Íslenska, English. Tungumála- og táknmálstúlkun.

Bjarkarhlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Neyðarmóttakan er opin öllum, allan sólarhringinn.

Neyðarmóttaka vegna kynferðisofbeldis er á bráðamóttökunni á Landspítalanum í Fossvogi. Þar er alltaf opið og það kostar ekkert að fara þangað. Þú færð aðstoð, alveg sama hvaðan þú kemur og hvar þú býrð. Það getur verið gott að koma með einhverjum sem þú treystir. 

Á neyðarmóttökunni vinna hjúkrunarfræðingar, sálfræðingar og læknar sem geta hjálpað andlega og líkamlega. 

Það eru allir hvattir til að leita til neyðarmóttökunnar, hvort sem brotið verður kært eða ekki. 

Ef þú ákveður að kæra er hægt að nýta sakargögn sem safnað er í skoðuninni. Til að auka líkurnar á að finna slík gögn er mikilvægt að koma eins fljótt og hægt er. Ekki þvo þér eða fötin þín áður. Á neyðarmóttöku er hægt að fá aðstoð lögfræðings sem kallaður er réttargæslumaður. 

Sími bráðamóttökunnar er 543 2000 og það er opið allan sólarhringinn. Hægt er að ná sambandi beint við Neyðarmóttökuna á dagvinnutíma í síma 543 2094. Það er líka hægt að senda þeim tölvupóst á neydarmottaka@landspitali.is eða hafa samband gegnum netspjall á vefsíðu spítalans. 

Stuðningur og ráðgjöf vegna kynferðisofbeldis 

Neyðarmóttakan tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.

543 2000 (allan sólarhringinn), beint 543 2094 (á dagvinnutíma)

Byrlun er þegar einhver gefur annarri manneskju lyf, áfengi eða vímuefni án hennar samþykkis eða vitundar.

Þú gætir að öryggi þínu á netinu með því að tryggja að tækin þín ekki viljandi eða óviljandi að deila persónulegum upplýsingum sem þú vilt ekki að fari lengra.

Enginn hefur rétt á að þvinga aðra manneskju til að gera eitthvað kynferðislegt sem hún vill ekki gera. Þegar kynmök eru höfð við manneskju án samþykkis er það nauðgun. 

Nauðgun

Kynmök án samþykkis eru nauðgun

Leiðarvísir um réttarvörslukerfið fyrir þolendur kynferðisofbeldis

Hvað felst í samþykki?

Viltu vita meira?

Þekkir þú birtingarmyndir ofbeldis?

Lára

Er þetta ofbeldi? Veldu svar:

Aðstoð

Stígamót

Bjarkarhlíð

Neyðarmóttaka vegna kynferðisofbeldis

Byrlun

Öryggi á netinu