Það að virða ekki mörk annarra er ofbeldi.

Margt efnisgerðarfólk á OnlyFans hefur lýst því hvernig áskrifendur ýta mörkum þess langt frá því sem það er sátt við í skjóli þess að borga því peninga. Jafnvel þó að það komi skýrt fram í lýsingum hver mörkin eru. 

Það er alltaf í lagi að setja skýr mörk og það er ofbeldi að þvinga fólk til að færa sín mörk. Greiðsla fyrir slíkt er þvingun. Fólk sem biður aðra um að færa þessi mörk veit það, annars væri það ekki að bjóða greiðslu til að fá fólk til að færa mörkin sín. 

Þegar einhver hefur ýtt mörkum þangað sem efnisgerðarfólki finnst ekki spennandi eða jafnvel óþægilegt, færir það þeim enga ánægju að búa til það efni. Það kynlíf er hætt að snúast um hrifningu, tengingu við aðra manneskju og vellíðan en er farið að snúas um kynlíf sem vinnu sem býr til vanlíðan. Þetta smitast yfir á allt kynlíf og það getur verið erfitt að vinna sig til baka í að njóta. 

Bjarkarhlíð veitir fólki sem er eða hefur framleitt klámfengið efni stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Stígamót hjálpa öllum (konum, körlum og kynsegin fólki) sem hafa orðið fyrir kynferðislegu ofbeldi, líka þau sem hafa verið í klámi og vændi.

Stella hefur birt efni á OnlyFans í nokkrar vikur og er nokkuð ánægð með stílinn sinn og orðin betri í að vinna efnið tæknilega. Hún er komin með yfir 100 áskrifendur...  

Stella hefur birt efni á OnlyFans í nokkrar vikur, er orðin ánægð með stílinn sinn og betri í að vinna efnið tæknilega. Hún er komin með yfir 100 áskrifendur þannig að tekjurnar eru orðnar þokkalegar. Stundum fær Stella fyrirspurn um að útbúa ákveðið efni, um daginn fékk hún beiðni um að taka myndband af sér að sleikja banana. Henni fannst það fyndið og lítið mál fyrir peninginn sem henni var boðinn svo hún gerði það og bætti meira að segja smá við með því að klæða bananann í smokk í lokin, eins og kennarinn gerði í kynfræðslu þegar hún var í 9. bekk.

Nú er þessi gaur búinn að senda aðra beiðni og vill að hún útbúi fyrir sig myndband þar sem hún sýnir hvernig hún notar banana eins og dildó til að fullnægja sér. Samt stendur í lýsingunni hjá henni að hún sýni ekki kynfæri í myndböndum sínum. Henni finnst það ekki spennandi en hann er að bjóða tvisvar sinnum meiri pening en síðast. Pening sem kæmi sér alveg vel að eiga.

Stella

Er þetta ofbeldi? Veldu svar: