Þessi síða er hluti af Leiðarvísi um réttarvörslukerfið fyrir 15-17 ára þolendur kynferðisbrota.
![Manneskja heldur fyrir augun. Hún snýr að okkur og mikið liðað hár sveiflast til hægri í vindinum.](https://images.prismic.io/neydarlinan-112/54d49a75-437d-4d38-9897-bcf0f6b7675a_kynferdis.png?auto=compress%2Cformat&rect=0%2C0%2C1800%2C1080&w=370&h=222&fit=crop&crop=faces%2Cedges)
Að kæra er eina leiðin til að láta gerandann bera ábyrgð á því sem hann gerði.
Þessi síða er hluti af Leiðarvísi um réttarvörslukerfið fyrir 15-17 ára þolendur kynferðisbrota.
Staðreynd: Sá sem braut á þér veit ekki strax að lögreglunni hefur verið tilkynnt um brotið.
Það getur virkað ógnvænlegt að kæra geranda.
Þetta eru allt skiljanlegar hugsanir. En það er sama hver braut á þér, þetta var ekki þér að kenna og þú þarft ekki að skammast þín fyrir neitt. Það má enginn brjóta á þér.
Talaðu við einhvern fullorðinn sem þú treystir. Sá einstaklingur getur aðstoðað við að hringja í 112 til að fá hjálp og leiðbeiningar. Þú getur líka talað við barnavernd.
Það er kynferðisofbeldi þegar einhver fær þig til að gera eitthvað kynferðislegt sem þú vilt ekki gera eða gerir eitthvað við þig sem þú hefur ekki samþykkt.
Það er ekkert að því að taka og senda kynferðislega mynd af sér eða öðrum ef allir aðilar eru til í það. En þegar það er gert með þrýstingi eða án leyfis er það ólöglegt.
Þegar farið er yfir mörk á kynferðislegan hátt er það kynferðisleg áreitni.
Þegar brotið er kært tekur réttarvörslukerfið við því. Hlutverk réttarvörslukerfisins, lögreglu og dómstóla, er að safna gögnum, meta þau og dæma út frá þeim á hlutlausan hátt.
Það geta liðið meira en tvö ár þangað til dómur er kveðinn upp. Svo gæti málið líka verið fellt niður.
Kynferðislegt ofbeldi er áfall fyrir þig og fjölskylduna þína. Þið þurfið hjálp til að takast á við það. Barnavernd skipuleggur meðferð með sálfræðingum sem hjálpar unglingum eins og þér að vinna úr áföllum. Þegar þú ert 18 ára geturðu leitað til þolendamiðstöðva og Stígamóta.
Staðreynd: Það er fullt af fólki hjá lögreglunni sem vinnur við mál alveg eins og þitt á hverjum einasta degi.
Þú ert barn samkvæmt lögunum og þess vegna getur þú ekki kært. Það eru foreldrar þínir eða forráðamenn sem kæra málið fyrir þína hönd. Oft kærir barnavernd brotið.
Foreldrar mínir vilja ekki kæra? Þá kærir barnavernd fyrir þína hönd.
Gerandinn er foreldri mitt? Ef sá sem beitti þig ofbeldi er annað hvort foreldri eða forráðamaður og hitt foreldrið þitt styður þig ekki, ber barnavernd ábyrgð á að tryggja öryggi þitt. Þú gætir til dæmis búið tímabundið á öðru heimili.
Foreldrar mínir reyna að hafa áhrif á hvað ég segi? Þá þarf barnavernd sennilega að útvega þér annan stað til að búa á í einhvern tíma.
Þú talar við lögregluna beint eða þú getur náð í hana í 112, í síma eða í netspjalli. Þú getur líka beðið einhvern um að hafa samband fyrir þig.
Það er eðlilegt að finna fyrir hræðslu í þessum aðstæðum. En unglingar fara ekki einir í gegnum svona ferli, þér er útveguð margs konar aðstoð.
Ef þú vilt ekki að brotið sé kært skaltu samt tala við einhvern um það. Það er fullt af fólki sem er tilbúið að hlusta á þig og hjálpa.
Ferlið í svona málum er það sama hjá þér og hjá fullorðnum. Samt eru ýmis atriði öðruvísi hjá þér en hjá einstaklingum sem eru orðnir 18 ára.