Áður en þú mætir á neyðarmóttökuna getur verið gott að vita við hverju þú mátt búast.

Skoðun á neyðarmóttöku vegna kynferðisofbeldis

Neyðarmóttakan er opin öllum, allan sólarhringinn.

Neyðarmóttaka vegna kynferðisofbeldis er á bráðamóttökunni á Landspítalanum í Fossvogi. Þar er alltaf opið og það kostar ekkert að fara þangað. Þú færð aðstoð, alveg sama hvaðan þú kemur og hvar þú býrð. Það getur verið gott að koma með einhverjum sem þú treystir. 

Á neyðarmóttökunni vinna hjúkrunarfræðingar, sálfræðingar og læknar sem geta hjálpað andlega og líkamlega. 

Það eru allir hvattir til að leita til neyðarmóttökunnar, hvort sem brotið verður kært eða ekki. 

Ef þú ákveður að kæra er hægt að nýta sakargögn sem safnað er í skoðuninni. Til að auka líkurnar á að finna slík gögn er mikilvægt að koma eins fljótt og hægt er. Ekki þvo þér eða fötin þín áður. Á neyðarmóttöku er hægt að fá aðstoð lögfræðings sem kallaður er réttargæslumaður. 

Sími bráðamóttökunnar er 543 2000 og það er opið allan sólarhringinn. Hægt er að ná sambandi beint við Neyðarmóttökuna á dagvinnutíma í síma 543 2094. Það er líka hægt að senda þeim tölvupóst á neydarmottaka@landspitali.is eða hafa samband gegnum netspjall á vefsíðu spítalans. 

Stuðningur og ráðgjöf vegna kynferðisofbeldis 

Neyðarmóttakan tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.

543 2000 (allan sólarhringinn), beint 543 2094 (á dagvinnutíma)

Láta þarf vita fyrirfram ef þú ert í hjólastól.

Bjarmahlíð á Akureyri hjálpar öllu fólki sem hefur orðið fyrir ofbeldi.

Ef þú eða einhver sem þú þekkir hefur orðið fyrir ofbeldi getur þú talað við ráðgjafa í Bjarmahlíð óháð kyni, uppruna eða félagslegri stöðu. Þar getur þú líka talað við lögreglu og lögfræðinga í þægilegu umhverfi. Öll eru velkomin og það kostar ekkert að koma. Öll aðstoð er á þínum forsendum.

Þú getur fengið táknmálstúlkun og tungumálatúlkun ef þú þarft. Það er ekki aðgengi fyrir hjólastól þannig að ef þú notar hjólastól þarftu að taka það fram þegar þú bókar tíma. Ráðgjafinn getur þá hitt þig hjá Félagsþjónustu Akureyrarbæjar í Glerárgötu. 

Bjarmahlíð er í Aðalstræti 14 á Akureyri. Þar er opið á virkum dögum frá 10 til 14. Best er að bóka tíma gegnum vefsíðuna þeirra eða hringja í síma 551 2520. Þú getur líka sent þeim tölvupóst á bjarmahlid@bjarmahlid.is.

Íslenska, English. Tungumála- og táknmálstúlkun.

Bjarmahlíð veitir fólki sem hefur orðið fyrir ofbeldi stuðning og ráðgjöf í hlýlegu umhverfi. Þar geturðu fengið alla aðstoð á einum stað, eins og frá lögreglu, lögfræðingi og öðrum hjálparsamtökum.

Láttu vita fyrirfram ef þú ert í hjólastól.

Kvennaathvarfið á Akureyri hjálpar öllum konum sem hafa orðið fyrir ofbeldi í nánu sambandi, bæði með húsaskjól og ráðgjöf.

Kvennaathvarfið er hús þar sem konur og börnin þeirra geta búið í stuttan tíma ef þær geta ekki búið heima hjá sér út af ofbeldi. Ef þú hefur orðið fyrir ofbeldi getur þú talað við ráðgjafa í Kvennaathvarfinu. Þú þarft ekki að dvelja í húsinu. Það skiptir ekki máli þótt hafi átt sér stað fyrir löngu síðan. Það kostar ekkert að tala við ráðgjafa eða dvelja í húsinu.

Þú getur fengið táknmálstúlkun og tungumálatúlkun ef þú þarft. Það er ekki aðgengi fyrir hjólastól í athvarfinu. Þá geturðu farið í viðtal hjá ráðgjafa í Bjarmahlíð og ef þér vantar húsnæði geturðu fengið að gista á hóteli.

Þú getur hringt allan sólarhringinn í Kvennaathvarfið í síma 561 1205 til að fá stuðning. Þú getur líka sent þeim tölvupóst á kvennaathvarf@kvennaathvarf.is. Allar konur eru velkomnar: íslenskar, erlendar, fatlaðar, hinsegin, trans, á hvaða aldri sem er eldri en 18 ára.

Kvennaathvarfið býður upp á ráðgjöf og húsnæði fyrir allar konur sem hafa orðið fyrir ofbeldi í nánu sambandi.

Kynferðislegt ofbeldi er það þegar einhver káfar á þér eða fær þig til að gera eitthvað kynferðislegt sem þú vilt ekki gera. Kynferðisleg áreitni með orðum og látbragði er líka ofbeldi.

Neyðarmóttakan á Akureyri tekur vel á móti þér allan sólarhringinn.

Á Norðurlandi er neyðarmóttaka fyrir þolendur kynferðisofbeldis á Sjúkrahúsinu á Akureyri. Þar er opið allan sólarhringinn, allt árið. Það kostar ekkert að fara þangað. Þú færð aðstoð, alveg sama hvaðan þú kemur og hvar þú býrð. Það getur verið gott að koma með einhverjum sem þú treystir. 

Á neyðarmóttökunni vinna hjúkrunarfræðingar, félagsfræðingar, sálfræðingar og læknar sem geta hjálpað þér andlega og líkamlega. 

Í skoðuninni er safnað sakargögnum sem hægt er að nýta ef þú ákveður að kæra. Til að auka líkurnar á að finna sakargögn er mikilvægt að koma eins fljótt og hægt er og ekki þvo þér eða fötin þín áður. Það er aldrei nein krafa um kæru.

Þú getur annað hvort komið beint eða hringt í síma 463 0800. 

Stuðningur og ráðgjöf vegna kynferðisofbeldis

Neyðarmóttakan á sjúkrahúsinu á Akureyri tekur á móti öllum þeim sem hafa orðið fyrir nauðgun, tilraun til nauðgunar eða öðru kynferðisofbeldi.

Neyðarmóttaka á Akureyri vegna kynferðisofbeldis

Neyðarmóttaka á Akureyri vegna kynferðisofbeldis

Stuðningur og ráðgjöf vegna kynferðisofbeldis

Símanúmer

Heimilisfang

Vefsíða

Aðgengi

Tungumál

Skoðun á neyðarmóttöku vegna kynferðisofbeldis

Meiri aðstoð

Neyðarmóttaka vegna kynferðisofbeldis

Bjarmahlíð á Akureyri

Kvennaathvarfið á Akureyri

Kynferðislegt ofbeldi