Ofbeldi á heimilinu hefur alvarlegar afleiðingar fyrir börn þótt þau verði ekki fyrir ofbeldinu sjálf. Sóley er 13 ára stelpa sem ólst upp við ofbeldi af hendi pabba síns. Hún hefur nú flutt á annað heimili með mömmu sinni og bróður þar sem þau lifa nýju lífi í öryggi.

Sóley er 13 ára stelpa frá Reykjavík sem ólst upp við heimilisofbeldi frá fæðingu til 11 ára aldurs. Hún upplifði ofbeldi af hendi föður og þekkti því ekki aðrar heimilisaðstæður fyrr en hún flutti með móður sinni og eldri bróður á annað heimili þar sem þau hafa byggt upp nýtt líf í öryggi. Fjölskyldan leitaði aðstoðar og stuðnings hjá neyðarlínunni: 112, lögreglu, Kvennaathvarfsins og víðar. Það tók Sóley aðeins nokkra mánuði að upplifa frelsi við að vera laus við ofbeldið. Í þessu myndbandi deilir Sóley sögu sinni og mikilvægi þess að leita sér hjálpar og ræða um ofbeldið.

jafnretti.is/von

SÓLEY

Ofbeldi hefur neikvæð áhrif á börn. Ofbeldi gegn börnum getur verið alls konar. Ofbeldið getur beinst beint gegn barninu eða óbeint, eins og þegar barn verður vitni að ofbeldi á heimili sínu. 

Áhrif ofbeldis á börn

Barnavernd og Barna- og Fjölskyldustofa bjóða upp á ýmis úrræði fyrir börn og fjölskyldur þeirra.

Hagnýtar upplýsingar um barnauppeldi á Íslandi

Hjá Barnaheill geturðu fengið ráðgjöf um málefni barna.

Barnaheill eru samtök sem vinna að réttindum og velferð barna. Þau hafa barnasáttmála Sameinuðu þjóðanna að leiðarljósi. Hjá þeim geturðu fengið ráðgjöf um hvernig bregðast megi sem best við aðstæðum sem varða börn. Þú getur meðal annars leitað til þeirra með lögfræðileg mál eða vegna ofbeldis gegn börnum.

Á vefsíðu þeirra er hægt að tilkynna ólöglegt og óviðeigandi efni þar sem börn birtast eða er beint að börnum. Börn geta tilkynnt efni sem varðar þau sjálf eða aðra. Tilkynningar eru nafnlausar og eru sendar áfram til lögreglu.

Ef þig grunar að barn er beitt ofbeldi er þér skylt að tilkynna það til barnaverndar. Mundu að barn á alltaf að njóta vafans. Til að tilkynna getur þú annað hvort hringt í 112 eða notað netspjall 112. Til að fá ráðgjöf hjá Barnaheill, hringdu í síma 553 5900 eða sendu þeim tölvupóst á radgjof@barnaheill.is.

Íslenska, english, polskie og คนไทย.

Barnaheill býður upp á ráðgjöf um allt varðandi börn. Á vefsíðu þeirra er hægt að benda á óviðeigandi hegðun gagnvart börnum á netinu.

Þú getur alltaf hringt í 1717. Það er fullur trúnaður og nafnleynd.

Þú getur hringt í símanúmerið 1717 eða talað gegnum netspjall Rauða Krossins ef þú vilt tala við einhvern. Þjálfað og reynslumikið fólk á öllum aldri sjá um að svara. Þú getur talað um hvað sem þú vilt. Þú getur fengið sálrænan stuðning, ráðgjöf, hlustun og upplýsingar. Bæði síminn og netspjallið er ókeypis.

Þegar þú skráir þig inn á Netspjallið er beðið um nafn eða netfang en þú þarft ekki að gefa upp rétt nafn eða netfang.

Hér eru dæmi um hluti sem þú getur talað um:

Ekkert vandamál er of lítið eða stórt.

Ef þú talar ekki íslensku geturðu beðið um að fá að tala á ensku eða pólsku.

1717 er hjálparsími og netspjall Rauða Krossins ef þú vilt tala við einhvern. Það er opið allan sólarhringinn. Ekkert vandamál er of lítið eða of stórt.

Suðurlandsbraut 50, bláu húsin Skeifunni

Hringdu í Foreldrasímann fyrir ráðgjöf og stuðning allan sólarhringinn.

Foreldrahús er heildstætt úrræði sem veitir ráðgjöf vegna:

uppeldis- og sálfræðiráðgjöf vegna áhættuhegðunar og hegðunarvanda

listmeðferð fyrir börn, unglinga og foreldra þeirra. 

Foreldrahús sinnir líka ráðgjöf vegna fjölbreyttari vanda barna, unglinga og fjölskyldu í heild sinni. Má þar nefna:

námskeið fyrir foreldra sem vilja styrkja sig í uppeldishlutverkinu

Foreldrahús tekur á móti öllum sem leita til þeirra. Það skiptir miklu máli fyrir þroska og velferð barna og unglinga að bregðast við vanda sem fyrst.

Ráðgjafar tala íslensku, ensku, sænsku og dönsku. Þú getur fengið táknmálstúlkun og tungumálatúlkun í samstarfi við félagsþjónustu eða barnavernd ef þarf. Það er ekki aðgengi fyrir hjólastól á skrifstofunni.

Þú getur sent þeim tölvupóst á foreldrahus@foreldrahus.is til að fá ráðgjöf eða bóka tíma með ráðgjafa. Þú getur líka hringt alla virka daga frá 9 til 4 til að fá ráðgjöf í síma 511 6160. Foreldrasíminn 581 1799 er neyðarsími sem er opinn allan sólarhringinn. Þar veita vímuefna- og foreldraráðgjafar foreldrum ráðgjöf og stuðning. 

Stuðningur og valdefling foreldra á erfiðum tímum

Íslenska, English, dansk, svenska. Tungumála- og táknmálstúlkun á vegum tilvísunaraðila.

Foreldrahús veitir börnum, unglingum og foreldrum ráðgjöf, meðal annars vegna áfengis- og vímuefnaneyslu unglinga, áhættuhegðunar og hegðunarvanda. Foreldrasíminn 581 1799 er opinn allan sólarhringinn.

Öll börn eiga rétt á vernd gegn ofbeldi. Þetta er á ábyrgð fullorðinna að passa upp á. Góð samskipti og fræðsla er góð undirstaða til að fyrirbyggja ofbeldi og stoppa það eins fljótt og hægt er.

Losaðu þig við áhyggjurnar og komdu þeim í farveg. Tilkynntu um mál sem varða börn til 112.

Öll undir 18 ára teljast börn, einnig ófædd börn. Ef þú heldur að barn sé beitt ofbeldi eða búi við vanrækslu ættirðu að láta barnavernd vita. Til dæmis ætti að tilkynna vanrækslu, slæma framkomu foreldra gagnvart barni, áreitni eða ofbeldi annarra gagnvart barni og áhættuhegðun barna. Ekki treysta á að aðrir láti vita. Það er líka mikilvægt að tilkynna aftur ef ástandið breytist ekki.

Markmið barnaverndar er fyrst og fremst að koma börnum og fjölskyldum til aðstoðar. Barnaverndarlög segja að aðstoða eigi börn sem búa við óviðunandi aðstæður eða börn sem stofna heilsu sinni og þroska í hættu. Það er gert með því að styrkja fjölskyldur í uppeldishlutverki sínu og vernda einstaka börn þegar það á við.

Barnavernd leggur áherslu á samvinnu við foreldra og börn. Velferð barnsins er alltaf í forgangi. Börn eru höfð í samráði – eftir því sem aldur þeirra og þroski leyfir.

Þú getur tilkynnt til barnaverndar með því að hringja í 112 eða gegnum netspjall 112. Einnig er hægt er að hringja í þá barnaverndarþjónustu þar sem barnið býr. Fyrir börn í Reykjavík er hægt að senda tilkynningu á vefsíðu borgarinnar. Í sumum öðrum sveitarfélögum er líka hægt að tilkynna gegnum vef þeirra, til dæmis á Akureyri, Hafnarfirði, Kópavogi og Garðabæ.

Þú þarft að segja til nafns þegar þú tilkynnir en getur alltaf óskað eftir nafnleynd gagnvart öðrum en barnaverndinni.

Börn geta líka haft samband sjálf. Það er allt í lagi að tilkynna þótt maður sé ekki alveg viss. Mundu að börn eiga alltaf að njóta vafans.

Barnavernd tryggir vernd og umönnun barna

barnavernd, börn, hagur barna, vernd, hjálp, aðstoð, heilbrigði, mannréttindi, vanræksla, barnaverndarnefnd, áhættuhegðun, tilkynna, barnaverndarlög, foreldrar, barn, krakkar, krakki

Markmið barnaverndar er að styðja foreldra til að hugsa um börnin sín. Ef þú heldur að barn sé beitt ofbeldi eða búi við vanrækslu ættirðu að láta barnavernd vita.

Barnavernd

Barnavernd tryggir vernd og umönnun barna

Símanúmer

Vefsíða

Reynslusaga Sóleyjar

Áhrif ofbeldis á börn

Meðferðaúrræði

Viltu vita meira?

Fleiri úrræði

Barnaheill

1717

Foreldrahús

Velferð barna