Að hlusta ekki á maka þinn, fara yfir mörk hans, kasta hlutum og líkamlegar þvinganir, eins og að halda manneskju fastri, er allt ofbeldi. Oft byrjar ofbeldið í sambandinu eða versnar þegar konan verður ólétt.

Samband sem er „stormasamt“ gæti mögulega verið ofbeldissamband. Þolendum finnst þeir oft líka beita ofbeldi þegar þeir svara fyrir sig en við nánari athugun er oftast auðvelt að átta sig á hvor er valdameiri og er því líklegri til að vera stjórnandinn í aðstæðunum.

Fyrsta árið í sambandinu voru nokkur rauð ljós síðan versnaði ástandið til muna þegar kærasti Söru missti vinnuna og varð þunglyndur. Hann hótaði henni með sjálfsmorði ef hún gerði ekki það sem hann vildi og einangraði hana frá vinum sínum. Þegar hún varð ólétt varð ofbeldið alvarlegra og sprengingarnar stærri.

Þekktu Rauðu Ljósin - Sara segir sína sögu #rauduljosin

"Við vorum að rífast og hann sagði eitthvað sem gerði mig algjörlega orðlausa, sem var svo ljótt að áður en ég vissi hafði ég slegið hann utanundir. Ég ímyndaði mér að þetta yrði eins og í bíómyndunum, hann myndi biðjast afsökunar og faðma mig. Í staðinn sló hann mig til baka. Hann notaði þetta gegn mér oft og mörgum sinnum í sambandinu, að ég hafi byrjað að beita ofbeldi.

– Hugrún

Algengt er að ofbeldi í sambandi birtist í 3 stigum sem er kallað ofbeldishringurinn. Fyrst er uppsöfnun spennu, næst losnar um spennuna í formi líkamlegrar eða andlegrar árásar og svo tekur þriðja stigið við: „hveitibrauðsdagarnir.” 

Áslaug er í stormasömu sambandi og er sífellt að segja manninum sínum hvað henni finnst ekki í lagi í samskiptum þeirra en hann...

Áslaug er í stormasömu sambandi og er sífellt að segja manninum sínum hvað henni finnst ekki í lagi í samskiptum þeirra en hann fer sífellt yfir mörkin hennar. Eftir að hún varð ólétt hefur ástandið bara versnað. Hún er farin að forðast að tala um vissa hluti því þá verður hann bara reiður.

Áslaug veit vel að hún er enginn engill sjálf og hún gerir oft eitthvað sem hún veit að gerir hann reiðan. Áslaug hefur öskrað og ýtt við honum til baka til að komast úr ofbeldisaðstæðum. Hann hefur aldrei lamið hana en heldur henni stundum fastri og kastar hlutum.

Áslaug

Er þetta ofbeldi? Veldu svar: