Barnahermenn er þegar börn eru notuð sem vopn í stríðsrekstri og er algengastur í Asíu og hluta Afríku. Þar eru börn þvinguð og þjálfuð ýmist til hernaðar eða til að stunda njósnir fyrir yfirmenn sína á margvíslegum vettvangi til að sækja upplýsingar. 

Fátækt, erfiðar fjölskylduaðstæður eða borgarastyrjöld gerir börn að líklegri fórnarlömbum barnahernaðar en börn sjá þátttöku oft sem útgönguleið út úr slíkum aðstæðum. Börn eru valin vegna þess að þau hafa minni skilning á hættu og það er auðveldara að stjórna þeim en fullorðnum.

Þekkir þú birtingarmyndir mansals? Neyðarvörður 112 er til taks allan sólarhringinn ef þú telur þig þolanda mansals.

Losaðu þig við áhyggjurnar og komdu þeim í farveg. Tilkynntu um mál sem varða börn til 112.

Öll undir 18 ára teljast börn, einnig ófædd börn. Ef þú heldur að barn sé beitt ofbeldi eða búi við vanrækslu ættirðu að láta barnavernd vita. Til dæmis ætti að tilkynna vanrækslu, slæma framkomu foreldra gagnvart barni, áreitni eða ofbeldi annarra gagnvart barni og áhættuhegðun barna. Ekki treysta á að aðrir láti vita. Það er líka mikilvægt að tilkynna aftur ef ástandið breytist ekki.

Markmið barnaverndar er fyrst og fremst að koma börnum og fjölskyldum til aðstoðar. Barnaverndarlög segja að aðstoða eigi börn sem búa við óviðunandi aðstæður eða börn sem stofna heilsu sinni og þroska í hættu. Það er gert með því að styrkja fjölskyldur í uppeldishlutverki sínu og vernda einstaka börn þegar það á við.

Barnavernd leggur áherslu á samvinnu við foreldra og börn. Velferð barnsins er alltaf í forgangi. Börn eru höfð í samráði – eftir því sem aldur þeirra og þroski leyfir.

Þú getur tilkynnt til barnaverndar með því að hringja í 112 eða gegnum netspjall 112. Einnig er hægt er að hringja í þá barnaverndarþjónustu þar sem barnið býr. Fyrir börn í Reykjavík er hægt að senda tilkynningu á vefsíðu borgarinnar. Í sumum öðrum sveitarfélögum er líka hægt að tilkynna gegnum vef þeirra, til dæmis á Akureyri, Hafnarfirði, Kópavogi og Garðabæ.

Þú þarft að segja til nafns þegar þú tilkynnir en getur alltaf óskað eftir nafnleynd gagnvart öðrum en barnaverndinni.

Börn geta líka haft samband sjálf. Það er allt í lagi að tilkynna þótt maður sé ekki alveg viss. Mundu að börn eiga alltaf að njóta vafans.

Barnavernd tryggir vernd og umönnun barna

barnavernd, börn, hagur barna, vernd, hjálp, aðstoð, heilbrigði, mannréttindi, vanræksla, barnaverndarnefnd, áhættuhegðun, tilkynna, barnaverndarlög, foreldrar, barn, krakkar, krakki

Markmið barnaverndar er að styðja foreldra til að hugsa um börnin sín. Ef þú heldur að barn sé beitt ofbeldi eða búi við vanrækslu ættirðu að láta barnavernd vita.

Öflugt ráðgjafarteymi sérfræðinga svarar spurningum barna. 100% trúnaður.

Hlutverk Umboðsmanns barna er að passa að tekið sé tillit til réttinda, þarfa og hagsmuna barna. Salvör Nordal er umboðsmaður barna á Íslandi og á vefsíðunni barn.is er hægt að finna fullt af fróðleik um réttindi barna. Öll geta leitað til umboðsmanns barna og spurningum frá börnum er alltaf svarað fyrst. 

Meðal verkefna er að fræða börn og fullorðna um barnasáttmálann, skapa umræðu í samfélaginu um málefni barna og að afla og birta upplýsingar um aðstæður barna og stöðu tiltekinna hópa barna.

Krakkar á aldrinum 12 til 17 ára geta tekið þátt í ráðgjafarhópi Umboðsmanna barna, þar sem krakkar hittast og tala um hvernig megi bæta mannréttindi barna. Þú getur skráð þig í ráðgjafarhópinn hér.

Á vefsíðunni getur þú sent inn spurningu um hvað sem er. Engin spurning er of vitlaus eða kjánaleg. Spurningum er svarað eins fljótt og hægt er og birtast nafnlaust á síðunni. Þú getur líka hringt ókeypis í barnasímann 800 5999. og fylgst með Umboðsmanni barna á Facebook eða instagram.

Umboðsmaður barna er opinber talsmaður barna og vinnur að því að tekið sé fullt tillit til réttinda, þarfa og hagsmuna barna.

Hjá Barnaheill geturðu fengið ráðgjöf um málefni barna.

Barnaheill eru samtök sem vinna að réttindum og velferð barna. Þau hafa barnasáttmála Sameinuðu þjóðanna að leiðarljósi. Hjá þeim geturðu fengið ráðgjöf um hvernig bregðast megi sem best við aðstæðum sem varða börn. Þú getur meðal annars leitað til þeirra með lögfræðileg mál eða vegna ofbeldis gegn börnum.

Á vefsíðu þeirra er hægt að tilkynna ólöglegt og óviðeigandi efni þar sem börn birtast eða er beint að börnum. Börn geta tilkynnt efni sem varðar þau sjálf eða aðra. Tilkynningar eru nafnlausar og eru sendar áfram til lögreglu.

Ef þig grunar að barn er beitt ofbeldi er þér skylt að tilkynna það til barnaverndar. Mundu að barn á alltaf að njóta vafans. Til að tilkynna getur þú annað hvort hringt í 112 eða notað netspjall 112. Til að fá ráðgjöf hjá Barnaheill, hringdu í síma 553 5900 eða sendu þeim tölvupóst á radgjof@barnaheill.is.

Íslenska, english, polskie og คนไทย.

Barnaheill býður upp á ráðgjöf um allt varðandi börn. Á vefsíðu þeirra er hægt að benda á óviðeigandi hegðun gagnvart börnum á netinu.

Líffæri geta verið gjaldmiðill í hagnýtingu einstaklings og eru þá fjarlægð úr líkama fólks til að selja ólöglega í skipulagðri glæpastarfsemi. 

Barnahermenn er þegar börn eru heilaþvegin og þjálfuð til að vera hermenn á stríðshrjáðum svæðum, yfirleitt þar sem mikil óreiða og fátækt ríkir. 

Barnahernaður

Úrræði

Barnavernd

Umboðsmaður barna

Barnaheill

Brottnám líffæra